|
Għal
bosta snin, il-festa solenni tat-tifkira
tan-Nawfragju ta’ San Pawl kienet
titfakkar fil-25 ta’ Jannar, festa
liturġika tal-konverzjoni ta’ San Pawl.
Fl-1684 Mons Fra David
Cocco Palmieri sar Isqof ta’ Malta. Dan
l-isqof kien devot hafna ta’ din
il-festa u kien ihoss li l-Knisja
Maltija ma kenitx tiċċelebra kif jixraq
din it-tifkira. Huwa xtaq li jkun hemm
ġurnata oħra u mhux tibqa’ tiġi
ċċelebrata mal-festa liturġika
tal-konverżjoni ta’ San Pawl.
Ġara li fis-sena 1692 il-Papa
Urbanu VIII, kien ħareġ Kostituzzjoni
msejħa “Universa” li fiha ordna lil l-festa
tal-Protettur tal-Provinċja kif ukoll
dik tal-Protettur tal-post tal-istess
Provinċja kellha tkun osservata bħala
festa kmandata.
Għaldaqstant meta ħarġet
din l-ordni, l-Isqof Cocco Palmieri
ħataf l-okkażżjoni u f’dik l-istess sena
ħareġ digriet li mhux biss iddikkjara l-Appostlu
San Pawl bit-titlu tan-Nawfraġju tiegħu
f’Malta, iżda ddikjara għall-ewwel darba
fl-istorja l-10 ta’ Frar bħala l-ġurnata
li fiha għandu jiġi ċċelebrat in-Nawfraġju.
Iktar tard huwa ħa l-passi meħtieġa
kollha biex il-ġurnata tal-10 ta’ Frar
tkun ikkonfermata fis-Sinodu li nżamm
fil-Kattidral tal-Imdina fl-1703 biex
b’hekk tidħol b’mod uffiċjali
fil-kalendarju liturġiku mal-festi l-oħra
ta’ Malta, festa li għadha tkun
iċċelebrata sal-ġurnata tal-lum.
|
