Il-Katedra ta’ San Pietru, jew il-Cathedra Petri (bil-Latin) hi relikwa konservata fil-Basilka ta’ San Pietru, Ruma, magħluqa f’kaxxa indurata bil-bronz li kienet iddisinjata minn Gian Lorenzo Bernini u maħduma fis-snin 1647-53.

Il-cathedra hu s-siġġu ta’ isqof. Il-cathedra fil-Basilika ta’ San Pietru kienet użata mill-papiet. Għalkemm kien maħsub li kienet użata minn San Pietru nnifsu, din kienet fil-fatt rigal minn ‘Charles the Bald’ lill-Papa fit-875.Is-siġġu tal-injam hu magħluq f’kaxxa indurata bil-bronz ddisinjata minn Gian Lorenzo Bernini u maħdum fl-1647-53.  Bħal ħafna relikwi medjovali li ħadu il-forma tar-relikwa li kienu jipproteġu, din hi fil-forma ta’ siġġu. Simbolikament, is-siġġu li Bernini ddisinja ma kellu ebda ħaġa li tikkorispondi ma’ għamara kontemporanja: hu magħmul interament minn partijiet b’tinqix ornamentali li jimita r-romblu ta’ parċmina. Dan jagħlaq b’panew baxx fejn id-disinn tat-tappezzerija jippreżenta lil Kristu jagħti ċ-ċwievet lil Pietru. Figuri ta’ anġli, kważi ta’ kobor tal-bniedem, huma fuq kull naħa ta’ panew miftuħ taħt kuxin fuq seat tal-bronz. Ir-relikwa hi inkaxxata gewwa. Il-cathedra hi  fuq  strixxi b’tinqix ornamentali bil-ġnub opposti jiftħu ’l barra  u jidhru li qed jappoġġjaw mingħajr sforz minn erba’ Dutturi tal-Knisja magħmula mill-bronz, u li huma ikbar mid-daqs tal-bniedem. Il-cathedra tidher ‘tittajjar’ fuq l-artal fl-apsidi tal-bażilika. Din tingħata d-dawl minn tieqa ċentrali li minnha jgħaddi id-dawl ta’ filgħodu kmieni, li jillumina il-glorja indurata  ta’ raġġi tax-xemx u sħab skulpit li jdawwar it-tieqa. Bħal fl-Estasi ta’ Santa Tereża ta’ Bernini, din hi fiżjoni defenittiva tal-arti Barokka, li tgħaqqad skultura u arkitettura polikroma sinjura u li timmanipula l-effetti tad-dawl.

Fil-apsidi, fejn hemm il-monument ta’ Bernini li fih hemm is-siġġu tal-injam, hemm bil-latin il-klierm ta’ Ġesù lil San Pietru kif jidher fil-Vanġelu ta’ San Mattew: “Inti Pietru, u fuq din il-Blata, Nibni il-Knisja Tiegħi u l-bibien tal-Infern ma jkunux jistghu għaliha. Lilek fdajt iċ-ċwievet tar-Renju tas-Sema u dak kollu li torbot fl-art jiġi marbut fis-sema, u dak kollu li tħoll fl-art jinħall fis-sema.”  Sew is-siġġu kif ukoll il-kliem ta’ Ġesù jidhru bħala is-simbolu tal-awtorità tal-Isqof ta’ Ruma bħala il-Vigarju ta’ Kristu u suċċessur ta’ San Pietru.

Festi liturġiċi     

Martriloġiji tal-ewwel żminijiet jindikaw li żewġ festi liturġiċi kienu jiġu ċċelebrati f’Ruma, mijiet ta’ snin qabel żmien ‘Charles the Bald’, ad unur ta’ siġġijiet assoċjati ma’ San Pietru, wieħed minnhom kien miżmun fil-kappella tal-magħmudija tal-Bażilika ta’ San Pietru, l-ieħor fil-katakombi ta’ Priscilla. Id-dati ta’ dawn iċ-ċelebrazzjonijiet kienu it-18 ta’ Jannar u t-22 ta’ Frar. Ebda siġġu li baqa’ jeżisti ma ġie identifikat ma’ xi wiħed minn dawn is-siġġijiet. Il-festa għalhekk ġiet assoċjata ma’ tifsira astratta tas-“Siġġu ta’ Pietru”, li b’sineddoke jfisser  l-uffiċju episkopali tal-Papa bħala Isqof ta’ Ruma, uffiċju li hu kunsidrat li l-ewwel li kien jokkupah kien San Pietru, u għalhekk estiż għad-dijoċeżi tiegħu, id-Dijoċeżi ta’ Ruma. Għalkemm iż-żewġ festi kienu oriġinarjament assoċjati maż-żmien li San Pietru għamel Ruma, il-forma tad-disa’ seklu tal-Martyrologium Hieronymiamm jassoċja il-festa tat-18 ta’ Jannar  maż-żmien li  San Pietru għamel f’Ruma u l-festa tat-22 ta’ Frar maż-żmien li għamel f’Antijoka.

Iż-żewġ festi kienu inklużi fil-Kalendarju tridentinu bir-rank ta’ Doppju, li Papa Klement VIII fl-1604 għolla għar-rank ġdid ta’ Doppju Ikbar. Fl-1960 il-Papa Ġwanni XXIII neħħa mil-Kalendarju Ġenerali Ruman tmien jiem ta’ festi li kienu  t-tieni festi tal-istess qaddis jew ta’ misteru: waħda minnhom kienet il-festa tat-18 ta’ Jannar tal-Katedra ta’ San Pietru. Iċ-ċelebrazzjoni tat-22 ta’ Frar saret festa tat-Tieni Klassi. Dan il-kalendarju ġie inkorporat fil-Missal Ruman tal-Papa Ġwanni XXII tal-1962, li l-użu kontinwu tiegħu bħala forma straordinarja ta’ Rit Ruman hu awtorizzat taħt il-kundizzjonijiet indikati fil-‘motu proprio’ Summorum Pontificum. Fil-klassifikazzjoni ġdida mdaħħla fl-1969 iċ-ċelebrazzjoni tat-22 t’a Frar tidher fil-Kalendarju Ruman bil-grad ta’ Festa. Kattoliċi Rumani tradizzjonali għadhom jiċċelebraw iż-żewġt jiem ta’ festi: “Is-Siġġu ta’ San Pietru f’Ruma” fit-18 ta’ Jannar u “Is-Siġġu ta’ San Pietru f’Antijoka” fit-22 ta’ Frar.

Mehud mill-Wikipedia 9pt. Maqlub ghall-Malti minn Joe M Zahra